Petrit Vasili ka reaguar përmes një postimi në facebook ku i ka cilësuar pozitën e kuvendit si gjymtyrë të mafies dhe duke vënë theksin te falsifikimin e dokumenteve të bërë.
“Po si kane surrat këta, gjymtyre te mafies dhe flasin ne emër te Kuvendit?!
Këta, qe falsifikuan dokumentet shtetërore kundër Presidentit edhe përpara Gjykatës Kushtetuese.
Këta, qe e pranuan edhe vete para Gjykatës Kushtetuese falsifikimin, se s’kishin nga t’ja mbanin tani kane edhe paturpësinë te flasin e te guxojnë te justifikojnë krimin shtetëror.
Këta mund te flasin vetëm ne emër te falsifikatoreve dhe mashtruesve ne shërbim te mafies ne pushtet, por jo më te Kuvendit.
Falsifikimin mafioz sa një mal e pa gjithë bota.
Këta e zhyten ne balte Kuvendin, e turpëruan e zhbënë krejt.
Këta le te shkojnë tani dhe te flasin ne prokurori, aty është vendi ku kane detyrim qe te flasin.
Pastaj te flasin edhe para Gjykatës kur te marrin dënimin e merituar për këtë krim shtetëror, qe rrezoi përdhe shtetin dhe qe është krimi shtetëror me i rende i pluralizmit.
Ja ku i keni faktet qe ulërijnë dhe dëshmojnë qe jeni edhe te liq edhe te trashe,”është shprehur i revoltuar Vasili në postimin e tij.
