50 minuta ka zgjatur mbledhja e Këshillit të Sigurisë Kombëtare pasditen e sotme në Presidencë. Në orën 16:00 kreu i shtetit mblodhi këtë institucion për të diskutuar mbi situatën në Ukrainë.
Në këtë mbledhje nuk ishte i pranishëm kryeministri Rama, pasi ky i fundit është nisur drejt SHBA-ve për takimin me sekretarin e shtetit Blinken. Në vend të kreut të qeverisë ishte zv.kryeministri Arben Ahmetaj.
Të pranishëm ishin po ashtu shefi i Shtabit, Bajram Begaj, shefi i SHISH, Helindon Bendo, Ministri i Mbrojtjes, Niko Peleshi, Ministri i Brendshëm Bledi Çuçi, i Drejtësisë Manja, e Financave, Ibrahimaj.
Po ashtu edhe kryetari i komisionit të sigurisë kombëtare Naço. Socialistët dolën të buzëqeshur nga mbledhja e këshillit.
Për diskutimet në mbledhje, pritet një njoftim zyrtar nga Presidenca.
/5pyetjet.al
