Një aksident me pasojë një të plagosur ka ndodhur mëngjesin e së hënës në fshatin Pllanë të Lezhës.
Policia bën të ditur se ngjarja ka ndodhur rreth orës 07:50 në afërsi të shkollës, mjeti me drejtuese akoma të paidentifikuar ka dalë nga rruga dhe është përmbysur.
Si pasojë ka marrë dëmtime drejtuesja e mjetit dhe është transportuar në spitalin Rajonal Lezhë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
