Beatrix Ramosaj pati një moment zemërimi me Donaldin, kjo prej një shakaje që u tha brenda shtëpisë së ‘BBV’ me Salsano Rrapin e Ermal Mamaqin.
Zemërimi i saj u nënkuptua duke qenë së këngëtarja e njohur nuk shkoi të takonte partnerin e saj në Prime. Por mesa duket, festa e Shën Valentinit e ka ‘zbutur’ Beatrix ku nëpërmjet një postimi në InstaStory ajo ka ndarë lulet e dërguara nga Donaldi, i cili ia kishte lënë porosi Romeos.
Ajo u lajmërua pas disa ditësh në Instagram dhe i ndau me ndjekësit dhuratat e Shën Valentinit. Përpos buqetës së Donaldit ajo pranoi edhe të tjera nga fansat dhe për këtë i falënderoi.
Ky postim erdhi pasi Donaldi u shpreh brenda shtëpisë së Big Brother se nuk do t’i fliste më Beatrix-ës nëse ajo do të ishte larguar jashtë vendit, gjë e cila ndodhi. Ajo u pa në një story të kushërirës së saj Anxhelina teksa ishin në një jaht jashtë vendit.
