Njerëzit janë më të përgatitur për t’u marrë me mutacionet e ardhshme të koronavirusit , tha CEO dhe bashkëthemeluesi i BioNTech , ndërsa kompania gjermane punon për të zhvilluar një vaksinë për Omicron .
“Ne duhet të mësohemi me faktin se duhet të jetojmë me virusin për 10 vitet e ardhshme”, tha Ugur Sahin, kompania e të cilit zhvilloi vaksinën e parë RNA.
“Gjithmonë do të ketë variacione të reja, por ne gjithmonë mësojmë më shumë dhe përgatitemi më mirë”, shtoi ai.
Brenda një viti e gjysmë do të jetë e mundur të jepet një vaksinë e dyfishtë, e cila do të merret si me koronavirusin ashtu edhe me gripin, njoftoi të enjten drejtori ekzekutiv i kompanisë farmaceutike Moderna , Stefan Bancel. Në të njëjtën kohë, ai vlerësoi se pas gjashtë muajsh do të jetë gati vaksina e rinovuar Covid-19, e cila do të mbrojë edhe kundër Omicron.
Në një deklaratë biznesmeni dhe menaxheri francez theksoi se kjo vaksinë e dyfishtë pritet të jetë gati brenda gushtit 2023 dhe çmimi i saj do të jetë i barabartë me vaksinën ekzistuese të gripit, ndaj është e mundur të merret nga vende më pak të fuqishme.
“Pan-vaksina”, siç e quajti ai, do të trajtojë edhe sëmundje të tjera të rrugëve të frymëmarrjes, duke përbërë një përparim revolucionar në vaksinimin e popullatës.
Megjithatë, këtë vit, vaksina e përditësuar kundër mutacionit Omicron do të jetë e disponueshme për vendet në gusht, parashikoi njeriu i fortë i kompanisë amerikane që prodhon preparate mRNA kundër koronavirusit.
