Fotografia e komandantit legjendar Adem Jashari është shfaqur sot në billbordet në autostradën më të frekuentuar në Amerikë.
Këtë e ka mundësuar kompania shqiptaro-amerikano “Tafingo”, e cila vepron në SHBA dhe Kosovë, për 14 vjetorin e Pavarësisë.
Fotografitë e Adem Jasharit janë vendosur në billbordet në autostradën I-95 që fillon nga Boston dhe mbaron në Florida për të uruar ditën e Pavarësisë së Kosovës dhe për të promovuar shtetin e Kosovës tek miliona amerikanë që udhëtojnë në këtë rrugë çdo ditë.
“HAPPY INDEPENDENCE DAY KOSOVA! 14th ANNIVERSARY” është mbishkrimi dhe figurën e Komandantit legjendar Adem Jashari, amerikanët do e shohin për një javë anë e mbanë Amerikës.
Stafi i kësaj kompanie ka deklaruar se kjo është një mënyrë e mirë për ta promovuar Kosovën te populli amerikan./5pyetjet.al
