Armando Subashi, kryetari i Bashkisë së Fierit po merret në pyetje në Prokurorinë e Posaçme Kundër Korrupsionit dhe Krimit të Organizuar.
Mësohet se Subashi ka mbërritur në zyrat e SPAK në orën 10:30 dhe prej më shumë se tre orësh po merret në pyetje nga prokurorët e posaçëm.
Lajmin e konfirmojnë burime zyrtare nga Prokuroria e Posaçme. Mësohet se ai ndodhet prej gati dy orësh brenda ambienteve të SPAK.
Pyetjet kanë të bëjnë me veprimet e tij në lidhje me inceneratorin e Fierit. Subashi është paraqitur i vetëm dhe pa shoqërinë e një avokati.
Hetimet për inceneratorët kanë nisur afro dy vite më parë për të tre impiantet e Tiranës, Fierit dhe Elbasanit.
Për këtë çështje, është ngritur dhe një komision hetimor në Kuvend ku kanë shkuar për të dëshmuar administratorët dhe punonjës të këtyre impianteve.
/5pyetjet.al
