Kryeministri italian Mario Draghi u shpreh se çdo sanksion i mundshëm i vendosur ndaj Rusisë nga Bashkimi Evropian nuk duhet të përfshijë importet e energjisë.
Ai tha se gjatë diskutimeve me aleatët e saj evropianë, Italia kishte vënë në dukje se sanksionet duhet të përqendrohen në sektorë që duhet të jenë sa më të ngushtë të jetë e mundur, pa përfshirë energjinë.
“Sanksionet mund të jenë proporcionale me llojin e sulmit dhe jo parandaluese”, shtoi kryeministri italian. “Disa sanksione do të preknin më shumë Italinë dhe vendet e tjera më pak,” vazhdoi Draghi, duke shtuar se sanksionet e energjisë “do të kishin një ndikim më të madh në vendet që përdorin më shumë gaz”.
“Gjermania përdor qymyr, gaz dhe ende ka disa termocentrale të vjetra bërthamore në funksionim që gradualisht po mbyllen, por janë ende aktive. Franca ka energji bërthamore dhe pak gaz. Italia ka vetëm gaz dhe nuk ka energji bërthamore dhe qymyr. Prandaj është e qartë se është më e ekspozuar”, tha ai për gazetarët. /5pyetjet.al
