N/kryetarja e komisionit hetimor për inceneratorët Ermonela Felaj kallëzoi penalisht Jorida Tabakun për dy vepra penale, ndikim të paligjshëm dhe shpërdorim detyre për arsye se takoi në mëngjes kreun e SPAK-ut, Arben Kraja.
“Ju keni qenë në SPAK si kryetare e komisionit, por e pa mandatuar. Për këtë arsye, në të shumicës kemi vendosur t’i drejtojmë një kallëzim penal për Tabakun për dy vepra penale; ushtrimi i ndikimit të paligjshëm dhe shpërdorim detyre” tha Felaj.
Por përse e bëri, Tabaku këtë? Felaj dha dy arsye. “Takimi e bërë për të fituar kredo politike. Ajo rezulton ta ketë nxitur SPAK-un për të vepruar konforom interesit të PD-së duke i premtuar vendosjen e dokumenteve, pa përfunduar veprimtarinë ky komision” tha ajo.
“Askush nuk ka të drejtë të marrë dokumente dhe ti çojë gjetiu pa miratimin e komisionit. Ndërhyrja jote përbën shkelje flagrante të deputetit, që ligji dhe kushtetuta, i kërkojnë që të mos ndërhyjnë pranë organeve të drejtësisë.
Është personi më karrierist që është parë ndonjëherë në kuvendin e Shqipërisë” tha më tej Felaj.
/5pyetjet.al
