Një serb në një fshat të Obiliqit është arrestuar nga policia e Kosovës, pasi dyshohet se ka gjuajtur me armë zjarri, e cila mësohet të jetë e tipit kallashnikov.
Ai, një ditë më parë, publikuoi edhe një fotografi, i shoqëruar nga një person tjetër, duke shprehur gatishmërinë e tij për të ndihmuar forcat ruse në ndërhyrjen e tyre në Ukrainë.
Lidhur me rastin policia ka njoftuar se personi është arrestuar dhe është bastisur shtëpia e tij.
“Nga ana e policisë është kryer një kontroll në shtëpinë e të dyshuarit ku janë gjetur dhe sekuestruar një armë automatike zjarri AK-47, dy karikatorë të zbrazur dhe dy gëzhoja”, thuhet në njoftim.
Ndaj tij janë kryer procedurat policore në koordinim me prokurorin e shtetit.
