Në një telefonatë, Ministri i Jashtëm ukrainas Dmytro Kuleba i bëri thirrje homologut të tij amerikan Antony Blinken që t’i nxiste liderët evropianë që të ndalonin Rusinë nga SWIFT, një rrjet mesazhesh me siguri të lartë që lidh mijëra institucione financiare në mbarë botën. .
“Një tjetër telefonatë me mikun dhe homologun tim amerikan [Sekretarin Blinken] mbi nevojën për të përdorur të gjithë ndikimin e SHBA-së në disa vende evropiane hezituese për të ndaluar Rusinë nga SWIFT”, shkroi Kuleba në Twitter.
Shtetet e Bashkuara dhe Bashkimi Evropian deri më tani janë frenuar nga ndërprerja e Rusisë nga SWIFT pasi nuk kanë arritur të bien dakord për një hap që disa e kanë quajtur “opsioni bërthamor”.
Në një postim në Twitter të shpërndarë pas telefonatës mes Kuleba dhe Blinken, ministri i jashtëm ukrainas vuri në dukje se të dy diskutuan gjithashtu “furnizimin e mëtejshëm të armëve mbrojtëse për Ukrainën”. /5ypetjet.al
