Me nisjen e luftës Rusi-Ukrainë, autoritet ruse kanë arrestuar gjithsej 5942 persona të cilët kanë protestuar kundër luftës. Lajmin e ka bërë të ditur faqja e pavarur e monitorimit “OVD-Info”.
Sipas të dhënave të fundit, 2802 persona janë arrestuar për pjesëmarrje në demonstrata të paligjshme në 57 qytete në të gjithë vendin të dielën. Vetëm në Moskë u arrestuan 1 mijë e 275 persona.
Sipas ligjit rus, demonstratat e mëdha kërkojnë që protestuesit të aplikojnë për një leje, e cila duhet të dorëzohet jo më shumë se 15 por jo më pak se dhjetë ditë përpara ngjarjes. Gjoba të rënda dhe në disa raste edhe burg mund të vendosen për ata që protestojnë pa leje.
Individëve u lejohet të organizojnë protesta të vetme, por të tjerë mund t’u bashkohen.
Të enjten, Komiteti Hetues i Rusisë paralajmëroi se pjesëmarrja në çdo protestë kundër luftës ishte e paligjshme. Ai gjithashtu tha se veprat penale mund të futeshin në të dhënat kriminale të pjesëmarrësve, të cilat do të “lënin gjurmë në të ardhmen e personit”./5yetjet.al
