Ndërsa mijëra ikin nga kriza, qeveria e Nigerisë ka dënuar raportet se qytetarët e saj, dhe ata nga vendet e tjera afrikane, janë penguar të largohen nga Ukraina e shkatërruar nga lufta.
Kemi dëgjuar nga Isaac, një burrë nigerian që jeton në Ukrainë, i cili po përpiqet të hyjë në Poloni. Ai thotë se stafi kufitar i tha atij se “nuk po kujdeseshin për afrikanët”.
Ka pasur gjithashtu raporte për zyrtarë ukrainas të sigurisë që pengojnë afrikanët të kapin autobusët dhe trenat që shkojnë në kufi.
Të dielën, ministri i Jashtëm i Nigerisë, Geofrey Onyeama, tha se kishte folur me homologun e tij ukrainas Dmytro Kuleba dhe ishte siguruar se rojeve kufitare ukrainase u ishte dhënë një urdhër për të lejuar të gjithë të huajt që largohen nga Ukraina të kalonin pa kufizime. /5pyetjet.al
