Unilever ka pezulluar të gjitha importet dhe eksportet e produkteve të saj në Rusi po ndalon të gjitha investimet në vend.
Gjigandi i ushqimit dhe mallrave të konsumit, i cili zotëron marka të njohura, duke përfshirë Ben & Jerry’s dhe Dove, gjithashtu do të ndërpresë të gjitha shpenzimet e mediave dhe reklamave në Rusi dhe thotë se nuk do të përfitojë nga prania e tij në Rusi.Në një deklaratë, firma tha:
“Ne do të vazhdojmë t’i furnizojmë njerëzit në vend me ushqime dhe produkte higjienike thelbësore të përditshme të prodhuara në Rusi. Ne do ta mbajmë këtë nën shqyrtim nga afër.”
Ai shtoi: “Ne i bashkohemi thirrjeve për t’i dhënë fund kësaj lufte dhe shpresojmë se paqja, të drejtat e njeriut dhe sundimi ndërkombëtar i ligjit do të mbizotërojnë”.
Duke folur për operacionet e saj në Ukrainë, Unilever tha
“Operacionet tona të biznesit në Ukrainë janë ndalur dhe tani jemi plotësisht të fokusuar në garantimin e sigurisë së punonjësve tanë ukrainas dhe familjeve të tyre, duke përfshirë ndihmën me evakuimin e tyre aty ku është e nevojshme dhe ofrimin e mbështetjes financiare shtesë. janë zotuar gjithashtu të dhurojnë 5 milionë euro produkte thelbësore Unilever për përpjekjet e ndihmës humanitare.”
/5pyetjet.al
