Arjanit Hoxha nga Lëvizja Besa ka reaguar pas deklaratave të djeshme të ministrit të Punëve të Jashtme në ClickPlus në TV21, i cili tha se blerja në pikat e karburanteve që kanë pronar rusë, financon Rusinë dhe ushtrinë ruse. Hoxha ka publikuar njëd dokument ku shihet se Ministria e Punëve të Jashtme furnizohet nga kompania ruse “Lukoil”.
“Ministria që udhëheq Bujar Osmani ka kontratë për furnizim me karburante pikërisht me kompaninë ruse “Luk Oil”, prandaj e pyes a i qëndron asaj që thotë se blerja e karburanteve nga kompani ruse e ndihmon luftën e Rusisë kundër Ukrainës, që rrjedhimisht nga kontrata që ka nënshkruar a i bie se Ministria e Punëve të Jashtme ndihmon Rusinë!? Ka edhe plot institucione shtetrore dhe atë të udhëhequra nga kuadro të BDI që kanë kontrata me kompaninë ruse “LukOil”, prandaj para se t’i këshillojë qytetarët, Bujar Osmani le të korigjojë veten e tij”, ka shkruar Hoxha.
