Pas sulmit në Çernobil, reaktorët kanë filluar të rrjedhin dhe dëmet e tyre mund të jenë të pariparueshëm, për këtë Ukraina i ka kërkuar armëpushim Rusisë deri sa ata të mund të vendosin sërish në funksion centralin bërthamorë.
Autoritetet ukrainase thanë se centrali, që është vendi i fatkeqësisë më të madhe bërthamore në botë, po përdor gjeneratorë për furnizim të përkohshëm me energji.
Zyrtarët ukrainas thonë se ndërprerja mund të vërë në rrezik sistemet e ftohjes.
“Gjeneratorët me naftë kanë një kapacitet 48-orësh për të furnizuar me energji centralin e Çernobilit. Pas kësaj, sistemet e ftohjes do të ndalin së funksionuari, duke e bërë të pashmnagshme rrjedhjen e rrezatimit,” tha zoti Kuleba në Twitter.
Nuk është ende i qartë shkaku i dëmtimit të linjës së energjisë që furnizon Çernobilin, por kjo ndodh në një kohë kur vazhdon agresioni rus ndaj Ukrainës. Centrali është nën kontrollin e trupave ruse që nga java e kaluar./5pyetjet.al
