Partia Demokratike e Kosovës (PDK), ka kërkuar nga Qeveria e Kosovës që pas rritjes së çmimeve të naftës dhe atyre të produkteve bazë, ta heqë akcizën për 3 muaj si dhe lTVSh për imputet bujqësore.
Nënkryetari i PDK-së, Uran Ismaili, ka thënë se Qeveria Kurti po tregohet neglizhente ndaj kësaj problematike.
“Qeveria Kurti ka një vit që qeveris me një pushtet absolut dhe kemi ngecur në shumë drejtime. Kjo qeveri është vonë në reagim dhe e arsyetueshme për mosveprim. Qeveria Kurti do ta fusë Kosovën në recesion ekonomik. Në thesarin e shtetit janë mbi 300 milionë euro. Barrën e secilës krizë po e paguan qytetari. Kryetari i PDK-së Memli Krasniqi paralajmëroi qeverinë për krizë energjetike dhe produkte ushqimore. Pushteti u tregua neglizhent dhe arrogant në diskutime”.
