Presidenti i UEFA-së Alexander Ceferin ka treguar gjatë një interviste për “Corriere dello Sport” për situatën që rrethon atletët rus, për luftën dhe për vendimet e marra nga UEFA.
“Nuk është faji i atletëve rus, nuk është lufta e tyre, ata as nuk e kanë dashur e as nuk e kanë kërkuar një luftë të tillë. Duhet të tregojmë unitet për paqen. Me Putinin në të kaluarën kemi pasur një raport korrekt. Nuk besoj se është një fans i futbollit, atij i pëlqejnë sporte të tjera.
Të ndërprisnim raportin me Gazprom mendoj se ka qenë gjëja e duhur. Financiarisht na ka kushtuar shumë, për ne është një goditje në portofol por asgjë nuk krahasohet me atë që po ndodh në Ukrainë, aty njerëzve po i merret jeta.
Kemi vendosur sanksione të forta sportive ndërsa 1 milionë euro kanë shkuar për fëmijët refugjat ukrainas”, u shpreh ndër të tjera presidenti i UEFA-s.
