Presidenti Ilir Meta ka reaguar teksa është duke u mbajtur dita e tretë e protestës në Tiranës kundër rritjes së menjëhershme të çmimeve të hidrokarbureve dhe të mallrave të shportës.
Me anë të një statusi në Facebook, Meta shkruan se qeveria duhet dëshmojë ndjeshmërinë, ndërsa i bën thirrje policisë që të distancohet nga dhuna.
“I bëj thirrje Qeverisë të dëshmojë ndjeshmërinë dhe përgjegjësinë e duhur në adresimin e të gjitha çështjeve që po shqetësojnë me të drejtë qytetarët, të cilët prej ditësh po protestojnë, në mbarë vendin, për dinjitetin dhe të drejtat e tyre thelbësore.
Policisë së Shtetit i tërheq vëmendjen për t’u distancuar nga dhuna e papranueshme dhe ndalimet e pajustifikuara”, shkruan Meta.
