Hyundai ka njoftuar se po pezullon sponsorizimin e klubit të futbollit Chelsea në dritën e sanksioneve të shpallura kundër pronarit Roman Abramovich të enjten.
Gjiganti i makinave nënshkroi një marrëveshje katërvjeçare me Chelsean për t’u bërë një sponsor në vitin 2018 në një marrëveshje që vlerësohet të jetë rreth 50 milionë funte për klubin.
“Hyundai është bërë një nga partnerët më të fortë në futboll ndër vite dhe kompania e mbështet sportin për të qenë një forcë për të mirën”, tha kompania në një deklaratë.
“Përmes partneritetit tonë me Chelsea FC, ne jemi mbështetës krenarë të lojtarëve, tifozëve dhe futbollit bazë. Megjithatë, në rrethanat aktuale, ne kemi marrë vendimin për të pezulluar aktivitetet tona të marketingut dhe komunikimit me klubin deri në një njoftim të dytë”, thuhet në njoftim.
