Adis Pushati dhe Fifi janë kthyer në nja nga çiftet më të komentuar në rrjet.
Që pas daljes nga “Big Brother VIP Albania”, Fifi ka qenë kryefjala e mediave rozë për shkak të lidhjes së saj me Adis Patushin.
Kishte shumë zëra ose thashetheme që besonin se këngëtarja ishte në një lidhje me Adisin, por vetëm më vonë u vërtetua romanca mes dyshes.
Në një video ekskluzive për IconStyle.al që pushtoi rrjetin, çifti i ri u pa teksa putheshin në buzë para shumë të pranishmëve në një mbrëmje ku Fifi po performonte, duke konfirmuar kështu lidhjen e tyre.
Tashmë kanë kaluar tre muaj nga zyrtarizimi i lidhjes së tyre dhe duket se gjërat po rrjedhin aq mirë mes dyshes saqë një postim i Fifit në Instagram i ka habitur shumë fansat.
“E dashuroj dashurinë tonë”, shkruan këngëtarja.
Më pas ajo poston të njëjtën foto në Instastory dhe e etiketon Adisin duke e quajtur atë “babi”, ndërsa ky i fundit bën të njëtjin veprim duke e quajtur Fifin “mami”.
Kaq ka mjaftuar që fansat të vërshonin me komente dhe pikëpyetje nëse bëhej fjalë për një pritje të ëmbël nga ana e Fifit.
