Rusia, duke vendosur sanksione ndaj presidentit amerikan, Joe Biden, ka gabuar në emrin e këtij të fundit. Këtë e tha sekretarja e shtypit e Shtëpisë së Bardhë, Jen Psaki, e cila sqaroi që presidenti Biden është “i riu” (Jr.), pasi emri i tij i plotë është, Joseph R. Biden, Jr.
Sipas saj, diplomatët rusë kanë bërë një pasaktësi në emër të presidentit amerikan duke mos i shtuar fjalën “junior” (jr).
“Pra, ndoshta ata sanksionuan babanë e tij, që preftë në paqe”, tha Psaki
Ajo komentoi gjithashtu faktin se Rusia vendosi sanksione kundër zyrtarëve amerikanë duke thënë se “askush nga ne nuk planifikoi udhëtime turistike në Rusi dhe nuk kemi llogari bankare në bankat ruse”.
