Lufta në Ukrainë ka vënë në gatishmëri të plotë të gjitha shtete evropiane. Së fundmi në Shtabin e Përgjithshëm të Ushtrisë Italiane po qarkullon një urdhër ku u kërkohet forcave të armatosura të qëndrojnë në gatishmëri të plotë.
“Vlerësoni me kujdes lejet, departamentet në gatishmëri operacionale 100% me fuqi, të orientuar drejt luftimeve”, sigurohuni deri sa të arrihen nivelet më të larta të efikasitetit të të gjitha automjeteve, helikopterëve dhe sistemeve të armëve të artilerisë”, kështu thuhet në një qarkore të Shtabit të Ushtrisë italiane të 9 Marsit, duke iu referuar “ngjarjeve të njohura” dhe “zhvillimeve në arenën ndërkombëtare”, raporton Ansa.
Për sa i përket personelit, kërkohet që të vlerësohet pushimi i parakohshëm sepse “duhet bërë çdo përpjekje e mundshme që aftësitë e vlefshme të jenë të disponueshme”. Indikacione edhe për personelin në “ndalim të caktuar” i cili “duhet të furnizojë me prioritet repartet që shprehin njësitë në gatishmëri”.
