Ka shkuar në 3 milionë numri i ukrainasve që janë larguar nga vendi që nga fillimi i pushtimit rus më 24 shkurt. Lajmin e bëri të ditur Organizata Ndërkombëtare për Migracionin ditën e sotme.
Organizata, që është agjenci e Kombeve të Bashkuara, njoftoi se 157,000 prej të larguarve ishin shtetas të huaj.
Polonia është deri më tani pranuesi më i madh i refugjatëve nga Ukraina. Që nga e diela, më shumë se 1.7 milionë njerëz mbërritën nga Ukraina në Poloni, sipas Komisionerit të Lartë të Kombeve të Bashkuara për Refugjatët (UNHCR).
