Prokurorët rusë i kanë kërkuar një gjykate që të transferojë kritikun e Kremlinit, Alexei Navalny në një burg të sigurisë maksimale, pasi i kanë kërkuar që të vuajë 13 vjet burg për akuza të reja mashtrimi.
Sipas Guardian, nuk ishte menjëherë e qartë nëse 13 vitet përfshijnë dënimin prej dy vjet e gjysmë që ai po vuan aktualisht në një kamp burgu në lindje të Moskës për shkelje të lirimit me kusht në lidhje me akuzat që ai thotë se ishin të sajuara.
‘‘Kërkoj që Navalny të dënohet me një mandat prej 13 vjetësh dhe dy vite më pas me provë.”- tha prokurorja, Nadezhda Tikhonova.
Prokurori gjithashtu kërkoi që Navalny të paguante një gjobë prej 1.2 milionë rubla (8250 £). Navalny, kritiku më i zëshëm i Vladimir Putinit në Rusi, u burgos vitin e kaluar pasi i mbijetoi një sulmi me helm që ai fajëson Kremlinin.
