Një aksident me vdekje ka ndodhur pasditen e sotme në aksin rrugor Tepelenë-Përmet, në afërsi të fshatit “Varibop”.
Një makinë tip “Benz” me drejtues Sh. Ç. 30 vjeç, banues në fshatin Seniçan, Përmet ka dalë nga rruga.
Për pasojë ka ndërruar jetë drejtuesi i automjetit Sh. Ç, si dhe është dëmtuar A. Ç., 22 vjeç, banues në fshatin Seniçan, Përmet, i cili është transportuar në spitalin Rajonal Gjirokastër për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
