Ka nisur rreth orës 19:00 të mbrëmjes së të mërkurës mbledhja e kryesisë së Partisë Demokratike, e cila është e para pas dorëheqjes nga posti i kryetarit të Lulzim Bashës.
Kjo është mbledhja e parë që Enkelejd Alibeaj, kryetari i komanduar, do të drejtojë në detyrën e re që është komanduar deri në zgjedhjen e kryetarit të ri të partisë më të madhe në opozitë.
Kryesia, që është organi më i lartë vendimmarrës i partisë do të diskutojë mbi situatën e krijuar pas dorëheqjes së Lulzim Bashës, por edhe hapat që do të ndërmerren në drejtim të zgjedhjes së kryetarit të ri dhe negociatave me grupin e Sali Berishës.
