Ditën e sotme është betuar përpara Presidentit të Republikës, Ilir Meta anëtari i ri i Gjykatës Kushtetueses Sandër Beci. “Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë”, tha Beci para kreut të shtetit me dorën mbi Kushtetutë. Sandër Beci është anëtari i tetë i gjykatës më të lartë në vend.
Meta i uroi suksese kreut Sandër Becit në detyrën e tij të ri si anëtar i Gjykatës Kushtetuese. Në ceremoninë solemne të betimit ishin të pranishëm përfaqësues të Kuvendit të Shqipërisë, Gjykatës Kushtetuese, Avokatit të Popullit, Gjykatës së Lartë, Kabinetit të Presidentit, dhe të misionit të ekspertizës OPDAT në vendin tonë, që mbulon çështjet e drejtësisë.
