Hakerët e famshëm, Anonymous, publikuan një dokument të skanuar të dekretit të Ministrit në detyrë të Mbrojtjes së Rusisë për krijimin e videove propagandistike për të diskredituar Forcat e Armatosura ukrainase dhe keqtrajtimin e të burgosurve të luftës.
Në dokument, gjenerali Bulgakov është i shqetësuar për dorëzimin masiv të ushtrisë ruse dhe refuzimin për të luftuar. Në këtë mënyrë ai ka urdhëruar të zhvillohen dhe shpërndahen një seri videosh që demonstronin sjelljen çnjerëzore të forcave ukrainase.
Rrjeti ndërkombëtar i aktiviteteve të hakimit, që në ditët e para të agresinit rus, i ka hapur luftë Moskës.
Nëpërmjet postimeve në median sociale Twitter ata shkruajnë se shumë faqe interneti të Qeverisë, por edhe televizione rë propagandës ruse kanë rënë pre e sulmeve të tyre.
