Kryeministri i Maqedonisë së Veriut Dimitar Kovaçevski ka njoftuar se mbrëmjen e djeshme ka realizuar një bisedë telefonike me kryeministrin ukrainas Denys Shmyhal.
“I përcolla se bashkë-ndjejmë me Ukrainën dhe në të njëjtën kohë admirojmë guximin me të cilin ukrainasit mbrojnë lirinë e tyre dhe sovranitetin e shtetit”, shkruan Kovaçevski.
Kovaçevski thekson se ka njoftuar homologun ukrainas se Maqedonia e Veriut pajtohet me politikën e jashtme dhe politikën e sigurisë të vendeve anëtare në BE dhe NATO.
Gjithashtu Kovaçevski i ka përcjellë homologut të tij se si shtet “jemi të gatshëm të pranojmë qytetarët e Ukrainës nëse ata kërkojnë strehim të përkohshëm në vendin tonë dhe mbetemi në kontakt për të gjitha aktivitetet e ardhshme për mbështetje dhe ndihmë”, ka shkruar mes tjerash Kovaçevski.
Kryeministri ukrainas falenderoi Shkupin për mbështetjen dhe ndihmën e dhënë popoullit të tij.
