Kryetari i bashkisë së Kievit, Vitali Klitschko, ka thënë se më shumë se 100 njerëz kanë vdekur në kryeqytetin ukrainas që kur Rusia pushtoi Ukrainën. BBC shkruan se ai shtoi se 82 ndërtesa shumëkatëshe janë shkatërruar në Kiev që nga shpërthimi i luftës.
Katër fëmijë në qytet kanë vdekur gjatë luftës dhe 16 fëmijë të plagosur janë në spital, tha Klitschko. Ai shtoi se qeveria nuk ka qenë në gjendje të identifikojë më shumë se 20 trupa në Kiev.
