Deputeti i Partisë Socialiste, Erion Braçe, është pyetur për kërkesën e SPAK ndaj Kuvendit për autorizimin e arrestimit të deputetit Alqi Bllako, i cili akuzohet si i përfshirë në aferën e inceneratorit të Fierit.
Braçe është shprehur se është drejtësia që duhet të merret me këtë çështje dhe nëse ai do të fliste do të prishte hetimet.
“Të merret drejtësia me çështjen nga fillimi deri në fund, të nxjerrë konkluzionet e veta, është e tepër të bëjmë ne komente. Po ndërhymë ne me komente prishet hetimi”, u shpreh Braçe.
A do japë dorëheqjen Bllako? “Komentet do jenë politike kështu që nuk ia vlen”, përfundoi ai.
