Qeveria polake ka miratuar projektligjin që do të lejojë ndalimin e importeve të qymyrit rus, tha të martën një zëdhënës i kabinetit.
“Ne nuk duam që këto importe të jenë më të mundshme, megjithëse e kuptojmë se ekziston një rrezik që lidhet me faktin që Bashkimi Evropian nuk ka miratuar veprime të tilla deri më sot”, tha Piotr Muller.
Sanksionet në BE si rregull duhet të miratohen nga i gjithë blloku tregtar dhe Brukseli mund të ndëshkojë potencialisht vendet që veprojnë në mënyrë të njëanshme.
