Një skenë e papritur ka ndodhur ditën e djeshme gjatë protestës, nënë Liza një nga banoret e “5 Majit” ka folur për mediat duke treguar shqetësimin e saj për prishjen e shtëpisë si dhe për rritjen e çmimeve.
Por në atë momente një grua me flokë të shkurtra bionde i ka bllokuar fjalën, duke i thënë që nuk ishin mbledhur aty për shtëpinë e saj por për një tjetër kuazë.
Sipas gazetares së emisionit STOP, Domenika Bajraktari, gruaja në fjalë quhet Drita Arapi dhe i ka të dy djemtë të punësuar në Bashkinë e Tiranës.
“Kjo në foto është DRITA ARAPI me adresë në Facebook Drita Fjoli. Kjo trimja që shtyn Nënë Lizën është nëna e dy fëmijëve që punojnë te Bashkia e Tiranës, njëri të zyra e aktiviteteve të bashkisë dhe tjetri në Policinë Bashkiake. Pra qartazi zonja nuk ka qenë si protestuese për kauzën e rritjes së çmimeve dhe krizën që po kalon çdo familje shqiptare. Drita ka qenë në protestë për të prishur protestën dhe për të DHUNUAR NENE LIZEN. Meqenëse Drita do të veprojë kështu, atëherë e ftoj me edukatë të më shkruajë dhe të takohem me të nga afër që të diskutojmë se çfarë e shqetëson. Sepse kush prek Nënë Lizën, ka prekur dhe gjyshen time…,” shkruan gazetarja.
