Rihapja dhe rregullat e reja nga prilli në Itali mund të favorizojnë një qarkullim më të madh të virusit.
Mund të jetë më e lehtë që njerëzit të infektohen sërish nëse nuk janë vaksinuar ose nëse nuk kanë qenë të sëmurë prej muajsh.
Përpos këtyre, qarkullimi i një varianti të ri mund ta bëjë më të lehtë ri-infektimin.
Omicron 2 është më ngjitës dhe mund t’i sëmurë si ata që kanë pasur Omicron 1, ashtu edhe ata që kanë pasur versione të tjera të virusit në të kaluarën.
Që nga 7 marsi, BA.2 në Itali zinte 44 për qind, por mund të jetë përhapur më tepër.
Të infektohesh sërish është një dukuri e rrallë, por është aty për ta bërë edhe më të dukshme se sa shumë njerëz janë infektuar.
Rastet e personave që kthehen pozitivë 90 ditë pas diagnozës së parë konsiderohen automatikisht si “ri-infeksione”.
Në nivel statistikor, në numrin total të rasteve të raportuara janë 3.4 për qind në javën 14-20 mars, një vlerë e përcaktuar si “e qëndrueshme”.
Sidoqoftë, ata mund të jenë më shumë duke marrë parasysh që disa njerëz pozitivë nuk gjurmohen, veçanërisht nëse janë asimptomatikë.
Në Britaninë e Madhe, sistemi i shkëlqyer i monitorimit ka vlerësuar se rreziku i ri-infektimit nga Omicron është 10 herë më i lartë se ai i përjetuar me Delta.
Ngjitshmëria e pabesueshme e Omicron është shkaku i parë lehtësues, të tjerët kanë të bëjnë me dozat e vaksinës, variantin, me reagimin e organizmit dhe se çfarë sëmundjesh të tjera ka personi.
A na mbrojnë vaksinat?
Vaksinat janë krijuar për të na mbrojtur nga shtrimi në spital dhe vdekja.
Por ato janë studiuar për një virus, atë kinez, i cili nuk ekziston më.
Vaksinat që janë në përdorim humbasin efektivitetin e tyre në bllokimin e transmetimit të virusit kur bëhet fjalë për Omicron, por nuk e humbasin plotësisht dhe jo menjëherë.
Sa më shumë doza të merren, aq më shumë mbrojtje ka dhe sa më shumë imunizim, aq më shumë mban efikasiteti i vaksinës.
Megjithatë, infeksionet para Omicron rezultojnë në imunizimin e dobët kundër Omicron.
Dhe si në të gjitha patologjitë, çdo person ka historinë e tij.
Ka individë që janë më të prekshëm ndaj viruseve sepse fuqia e përgjigjes imune është mbi një bazë gjenetike dhe padyshim secili ka një sfond gjenetik që është i ndryshëm.
Ka edhe të sëmurë, te të cilët vaksinat nuk prodhojnë antitrupa.
Sidoqoftë, duhet mbajtur parasysh se infektimi me COVID dy herë në një kohë të shkurtër është ende mjaft e pamundur, edhe me versionin më të fundit të Omicron.
Ai zakonisht ndodh asimptomatikisht.
