Ministri i Drejtësisë Ulsi Manja ka zhvilluar një takim ditën e sotme në Universitetin “Ismail Qemali” të Vlorës, për të folur me të rinjtë atje për sfidat e drejtësisë në Shqipëri.
Një student i universitetet e ka pyetur Manjën për gjendjen e Bulqizës dhe vdekjen e minatorëve atje si dhe i ka kujtuar atij premtimet e 2013, ku burimet e kromit do të ishin në përfitim për vendin dhe banorët e zonave.
Studenti: Unë e kam një pyetje, më shumë për zonën ku ju jeni edhe drejtues politik, për Dibrën. Duke qenë se Partia Socialiste ka premtuar se Bulqiza dhe zonat mineralmbajtëse përreth do t’u kthehen shqiptarëve si pasuri publike, në 9 vite nuk ka bërë asgjë për atë zonë e cila është marrë peng nga oligarkë dhe mafiozë vendas. Në 9 vite ka mbi 50 minatorë të vrarë dhe disa atentate me dyshimi për larje hesapesh midis pronarëve të galerive. A mund të themi që Bulqiza sot është kthyer si Lazarati dikur, ku shteti nuk ndërhyn dot?
Manja: Të dashur studentë! Unë jam liberal dhe partizan i tregut të lirë, nuk jam për shtetëzime. Për shkak se unë kam kaluar një pjesë të moshës në regjimin që lamë pas, por duke u nisur nga shtetëzimi i djeshëm, më ka bërë partizan të tregut të lirë. Shteti do duhet të ketë mekanizma të kontrollit dhe të ruajtjes së balancës, pa diskutim. Bulqiza është një zonë[ minerale ku kanë zhvilluar ekonomin qindra dhe mijëra njerëz…
