Japonia nuk do të paguajë për gazin e blerë nga Rusia në rubla. Tha kryeministri japonez, Fumio Kishida, pas ultimatumit të shpallur nga Moska, i cili kërkon që blerësit ‘armiqësorë’ të paguajnë në monedhën ruse, nën rriskun e pezullimit të kontratave, shkruan La Repubblica.
“Siç u ra dakord në takimin e jashtëzakonshëm të ministrave të energjisë G7, ne refuzuam,” tha Kishida, në përgjigje të një pyetjeje parlamentare mbi kërkesën e Moskës. Kryeministri, i cili nuk dha informacione për kontratat energjetike me Federatën Ruse, saktësoi se negociatat mbeten të hapura dhe se do të merren “masat e duhura”.
