Policia u vu në ndjekje mbrëmjen e së enjtes së dy të rinjve që po lëviznin me makinë në zonën e Astirit, por nuk arriti t’i ndalonte.
Ora News ka siguruar pamjet nga kamerat e sigurisë. Të rinjtë e kanë parkuar mjetin para dy bizneseve, një servis dhe dyqan për makina me qira.
Ata dalin nga mjeti dhe nisen për tu larguar në këmbë rreth rrugës së Astirit por sapo kanë parë policinë janë kthyer sërish mbrapsht dhe kanë dalë në një rrugë qorre, duke u larguar në drejtim të paditur.
Policia ka marrë në pyetje pronarin e bizneseve por është shprehur se nuk ka asnjë lidhje me autorët dhe as makinën.
Në mjetin “ML” që besohet se është marrë me qira u gjetën gjurmë plumbash. Ndjekja ka vijuar deri në “Astir”, ku dy të rinjtë, njëri prej tyre i mitur, e kanë braktisur atë dhe janë larguar.