Gjykata ka dhënë masën e sigurisë “arrest me burg” për Henrik Hoxhajn, i cili akuzohet si bashkëpunëtor i Nuredin Dumanit.
Ai e ndihmoi atë duke e larguar nga vendi i ngjarjes ditën që makina u qëllua me armë në fshatin Papër.
Gjykata gjithashtu ka dhënë masën e sigurisë “detyrim paraqitje” për 20-vjeçaren M.Hajdini, e cila ishtë bashkëjetuesja e Nuredin Dumanit prej disa muajsh.
Të dy u arrestuan mbrëmjen e së martës në banesën ku ishte i fshehur Nuredin Dumani. Menjëherë pasi mbeti i plagosur në Elbasan, ai dyshohet se sëbashku me disa persona kanë udhëtuar drejt qytetit të Fierit.
Dumani, sëbashku me të dashurën e tij 20-vjeçare, kishin marrë një banesë me qira ku qëndronin prej rreth një jave.
Në një banesë më vete, dyshohet se qëndronte dhe Henrik Hoxha i cili kishte për detyrë të ruante Dumanin.
