Presidenti ukrainas, Volodymyr Zelensky në fjalimin e tij në parlamentin irlandez, tha se Irlanda nuk ka qëndruar neutrale për katastrofën që Rusia i ka shkaktuar vendit të tij.
“Ju nuk kishit dyshime që filluat të na ndihmoni, filluat ta bëni këtë menjëherë dhe, megjithëse jeni një vend neutral, nuk keni qëndruar neutral ndaj katastrofës dhe fatkeqësive që Rusia i ka sjellë Ukrainës”.
Ai shtoi se i është mirënjohës çdo qytetari të Irlandës dhe për mbështetjen e vendit ndaj sanksioneve kundër Rusisë dhe u kërkoi liderëve politikë të Irlandës që të përdorin ndikimin e tyre për të bindur vendet e tjera të BE-së që të vendosin sanksione edhe më të ashpra për të ndalur makinerinë ruse të luftës.
