Sot në orën 14:00 në shkollën “Sabaudin Gabrani” në Tiranë do të zhvillohet provimi i vlerësuesve të Arsimit Parauniversitar. Deputetja demokrate, Albana Vokshi akuzon se me porosi të ministres Evis Kushi pyetjet dhe përgjigjet kanë dalë në mënyrë që të certifikohen “militantët e partisë”.
Vokshi ka nxjerrë një mesazh denoncues ku theksohet se të gjitha përgjigjet ishte nxjerrë me porosi të ministres për personat e saj të afërm. “Drejtori ynë ka marrë pyetjet që dje ia kanë dërguar vetë nga Ministria me urdhër të Ministres për personat e saj në Elbasan. Përsëris, me pyetje të zgjidhur” shkruan denoncuesja. Tashmë pritet përgjigja e ministres.
