Presidenti kolumbian Iván Duque nënshkroi të premten urdhrin e ekstradimit të “zotit të drogës” Otoniel në SHBA, i cili pritet të bëhet brenda “rreth dhjetë ditëve”.
“Ekstradimi u nënshkrua, tani duhet të ndiqen procedurat ligjore, por është e sigurt që ky kriminel do të ekstradohet”, tha kreu i shtetit pas nënshkrimit të urdhrit të ekstradimit të kreut të bandës së fuqishme “Clan del Golfo”.
Të mërkurën, drejtësia kolumbiane la në fuqi vendimin për ekstradimin e Otonielit, i cili mbetet në burg në Bogota.
