Turisti polak i cili ra në një greminë në “Kanionet e Gjipesë” është mjekuar nga infermieri që ka arritur të zbresë në vendin ku ai ishte bllokuar dhe ndodhet në gjendje të mirë shëndetësore.
Infermieri së bashku me një alpinist kanë mundur të zbresin në terrenin e vështirë dhe t’i japin ndihmën e parë turistit. Së bashku me ta janë dhe një grup prej pesë personash që do përpiqen të sigurojnë transportin.
Gjithashtu mësohet se është duke u përgatitur edhe vendi për të mundësuar transportin e tij me barelë. Sipas policisë, turisti polak u bllokua që prej orës 13:30 të ditës së premte. Ai u rrëzua në një greminë ku pësoi frakturë në këmbë.
