Nazmi Bandulla, 55 vjeç, u ekzekutua mëngjesin e së martës në lagjen “Rus” në Shkodër teksa ishte duke pirë kafe në një lokal.
Ndërkohë, gati 24 orë nga ngjarja janë mësuar detaje të tjera, të cilat të çojnë në përfundimin se 55-vjeçari është ekzekutuar nga vrasës me pagesë.
Burimet nga grupi hetimor kanë bërë të ditur se provat janë shumë të pakta të grumbulluara në vendngjarje, por edhe nga kamerat e sigurisë.
Për këtë rast, mësohet se policia e Shkodrës ka shoqëruar në komisariat rreth 20 personat, të cilat do të merren në pyetje në lidhje me këtë ekzekutim në qytetin verior.
