Autoritetet gjermane thanë se kanë sekuestruar superjahtin më të madh në botë në Hamburg, pasi përcaktuan se i përket motrës së oligarkut rus të lindur në Uzbekistan, Alisher Usmanov.
Zyra Federale e Policisë Kriminale tha se, pas ‘hetimeve të gjera’ dhe pavarësisht ‘fshehjes në det të hapur’, ishte në gjendje të përcaktonte se pronari ishte Gulbakhor Ismailova, motra e z. Usmanov.
Superjahti Dilbar 512 metra i gjatë është i shënuar në Ishujt Kajman dhe është regjistruar në një kompani në Maltë.
Ai u lançua në vitin 2016 me një kosto të raportuar prej më shumë se 648 milion dollarë (493 milion £) dhe vjen i kompletuar me një pishinë 80 metra dhe dy helipadat, duke e bërë atë superjahtin më të madh të ndërtuar ndonjëherë për sa i përket tonazhit të plotë.
Usmanov u godit me sanksione të BE-së vetëm katër ditë pas fillimit të pushtimit rus të Ukrainës, ndërsa Britania e Madhe dhe SHBA-ja ndoqën shembullin më 3 mars.
Sipas një raporti të Policisë Federale Kriminale Gjermane të cituar nga BE, pronësia e superjahtit Dilbar u gjurmua në Ismailova pasi një hetim i mundimshëm zbuloi një gjurmë komplekse letre.
Dilbar është i regjistruar në Navis Marine Ltd me seli në ishujt Kajman, por ajo kompani është në pronësi të Almenor Holdings Ltd – një kompani mbajtëse me bazë në Qipro.
