Nuk ja doli Freddy Rincon. Ish-ylli Kombëtares kolumbiane të viteve ’90, dhe lojtar ndër të tjerat i real Madrid dhe Napolit, ndërroi jetë në qytetin Kali si pasojë e një aksidenti të frikshëm ku ai ishte pasagjer.
Futbollisti që me fanellën e Kolumbisë ka marrë pjesë në 3 Botërore, në 1990, 1994 dhe 1998, pësoi një ndërhyrje kirurgjikale rreth 3 orë, por gjendja e tij u duk menjëherë kritike.
Sipas hetimeve, mjeti ku ndodhej Rincon kishte kaluar kryqëzimin me semafor të kuq, duke u përplasur me autobusin. Nuk është hera e parë që Rincon është protagonist i një aksidenti, në 2013 një i tillë i shkaktoi thyerje të ndryshme kockash.
