Shangai prej kohësh po përballet me krizë nga Covid-19. Të mërkurën u raportua se qyteti nuk ka shënuar asnjë rast të ri identifikimi jashtë zonave të karantinuara në dy rrethe, duke rritur shpresat se situata do të normalizohej.
Pas lehtësimit të pjesshëm të masave disa fabrika filluan rikthimin në punë, në mesin e tyre edhe prodhuesi amerikan i veturave, Tesla e cila kishte ndaluar prodhimin për gati tri javë.
Masat e rrepta të bllokimit u vendosën në këtë qytet kinez pasi filloi shpërthimi i rasteve të infektimit me COVID-19 në fillim të muajit mars.
Bllokimi i la rreth 25 milionë banorë të qytetit të luftojnë me humbjen e të ardhurave, furnizimet e parregullta ushqimore, ndarjen e familjeve dhe kushtet e këqija të karantinës.
