Kreu i KLSH-së, Arben Shehu ka prezantuar sot në Komisionin e Ekonomisë dhe Financave raportin vjetor të institucionit që drejton.
Shehu tha se nga auditet e ekspertëve kanë rezultuar dëme të shumta si pasojë e keqmenaxhimit me theks kryesore tenderat dhe prokurimet.
“Shkeljet më të mëdha janë evidentuar me keqadministrimin e të ardhurave, menaxhimin jo të kujdesshëm, paligjshëmri procedurale për prokurimet publike.
Shkelja e disiplinës financiare llogaritet në 54.8 mld lekë ose 452 mln euro nga e cila 11 mln euro në fushën e të ardhura, 361 mln euro ne fushën e shpenzimeve.
Dëmi në fushën e të ardhurave në dogana dhe tatime, 14.5 mld lekë” tha ai ndër të tjera në raportin që paraqiti.
