Një 65-vjeçari ka ndërruar jetë pas një aksidenti të rëndë të ndodhur pasditen e së premtes në Lushnje.
Mësohet se ngjarja ka ndodhur në rrugën rurale Krutje-Imshtë, në vendin e quajtur kthesa e Ngurrezes, ku mjeti tip kamionçinë me targa LU 9549 B ka përplasur një motoçikletë. Drejtuesi i motoçikletës Konstandin Sylari mbeti fillimisht i plagosur rëndë dhe u dërgua me urgjencë në spital, por nuk mundi të mbijetojë.
Informacion paraprak
Në fshatin Ngurrëz, Lushnjë, shtetasi A. M., duke drejtuar automjetin tip “Benz” është përplasur me një motomjet me drejtues shtetasin K. S., 67 vjeç, banues në fshatin Ngurrëz.
Si pasojë e përplasjes u dëmtua shtetasi K. S., i cili ndërroi jetë në spital.
Grupi hetimor po punon për zbardhjen e shkakut të aksidentit.
