Ilir Meta është kthyer me një çmim dhe shumë mbresa nga vizita pranë arbëreshëve në Itali.
Presidenti shprehet se është inkurajuar për të vazhduar përkushtimin për paqen dhe demokracinë, ndërsa referuar situatave të fundit thekson se “duhet të jemi vigjilentë dhe të mos e marrim kurrë paqen si të mirëqenë”.
I nderuar dhe thellësisht mirënjohës të vlerësohem me Çmimin Ndërkombëtar “Bonifacio VIII për një Kulturë të Paqes” nga akademia me të njëjtin emër papnor në Anagni, Romë, që më inkurajon të vazhdoj me më shumë përkushtim për të punuar, për lirinë, demokracinë, drejtësinë, paqen dhe mbrojtjen e të drejtave të njeriut.
Në mënyrë të veçantë këtë çmim ja kushtoj të gjithë shqiptarëve, të cilët kanë dhënë një kontribut të jashtëzakonshëm për paqen dhe stabilitetin në rajonin e Ballkanit, dhe mbi të gjitha për harmoninë e jashtëzakonshme fetare, shembull unik në botë, që Shqipëria gëzon dhe rrezaton kudo.
Të jemi vigjilentë dhe të mos e marrim kurrë paqen si të mirëqenë, por të punojmë dhe të angazhohemi çdo ditë dhe në çdo kohë për ta mbrojtjen e saj” shkruan Meta.
